Annick Goutal
Annick Goutal – Bu
selektiv ətir istehsal edən fransız markasıdır. Ətir evinin əsası 1981-ci ildə
qoyulmuşdur.
Annick Goutal
karyerasına ətriyyatçı olaraq başlamayıb. İlk öncə musiqiçi olaraq fəaliyyət
göstərən xanım, tədbirlərin birində Vogue jurnalının fotoqrafının diqqətini çəkir
və model olaraq çalışmağa başlayır. Model kimi işləyən zaman Annick, Anri
Sorsana adlı parfümerlə tanış olur. Bu tanışlıq xanımda ətriyyata böyük həvəs və
sevgi yaradır. 1977-ci ildə musiqiçi və model olaraq peşəsinə son verən xanım,
özünü ətriyyata həsr etmək qərarına gəlir.
İlk zamanlar ətir
evi uğurlu fəaliyyət göstərməsə də, dostları Annick-i ruhdan düşməyə qoymur.
Bir müddət sonra Annick Goutal ətirləri popularlıq qazanır. “Taittinger Group” şirkətinə daxil
olduqdan sonra brend dünya bazarına çıxır. Marka Amerika bazarında tez bir
zamanda rəğbət qazanır, hətta 1986-cı ildə Avropa keyfiyyət nominasiyasını
qazanır.
1999-cu ildə, 53 yaşlı Annick vəfat edir və yerini qızı, Camille
Goutal əvəz edir. Parfümer İsabelle Doyen-lə birgə çalışan Camille anasının
işini layiqincə davam etdirir. Bu gün Annick Goutal markası ətir, kosmetik
vasitələr və ev üçün parfümlər istehsal edir. Brend eksklüziv ətirlərin
yaradılmasında öz ənənələrinə sadiq qalır, buna görə də, onların parfümləri
parlaq fərdiliyi ilə seçilir və həmişə tanınır.